Fundinn sátu: Matthías Sævar Lýðsson formaður, Guðrún Elínborg Þorvaldsdóttir, Atli Már Atlason, Árni Magnús Björnsson, Marta Sigvaldadóttir, Grettir Örn Ásmundsson byggingarfulltrúi og ritar hann fundargerð og Hlynur Torfi Torfason skipulagsfulltrúi sat fundinn í fjarfundarbúnaði.

Dagskrá er eftirfarandi:

1. Vinnslutillaga um svæðisskipulag á Vestfjörðum. Sjá gögn hér: https://skipulagsgatt.is/issues/2024/603

Umhverfis og skipulagsnefnd lýsir ánægju sinni með framlagða vinnslutillögu um svæðisskipulag og leggur til við sveitarstjórn Strandabyggðar að hún samþykki þá megindrætti sem lagðir eru fram í vinnslutillögunni. Hvert og eitt sveitarfélag þarf þó að hafa rými innan svæðisskipulagsins til að móta eigin áherslur í skipulagi miðað við aðstæður.

Strandabyggð áskilur sér þó rétt til að koma með ábendingar og tillögur á meðan skipulagið er enn í vinnslu.

2. Matsáætlun vegna Hvalárlínu Landsnets. Sjá gögn hér: https://skipulagsgatt.is/issues/2025/1037

Hvalárlína Miðdalslína.

Línustæði Hvalárlínu og Miðdalslínu sem lögð eru til í matsáætlun virðast ekki í samræmi við Landsskipulagsstefnu, Vinnslutillögu um svæðisskipulag á Vestfjörðum og endurskoðaða Aðalskipulagstillögu Strandabyggðar. Þar eru ákvæði um vernd ósnortinna víðerna. Fyrirhugað línustæði í Matsáætluninni fer yfir ein stærstu ósnortin viðerni á landinu, utan jökla.

Þar sem að línur þær sem lagðar eru fram í matsáætlun eru ekki án tengsla við aðrar hugmyndir um orkuöflun og orkunýtingu á Vestfjörðum þá leggur US nefnd það til að fram fari heildstætt mat á samlegðaráhrifum allra þeirra orkunýtingarhugmynda sem tengjast þessari línulögn.

Umhverfis- og skipulagsnefnd leggur því til við sveitarstjórn að hún fari fram á, að önnur línustæði verði einnig tekin til mats og þar bendir US nefnd t.a.m.  á gildandi Aðalskipulag Árneshrepps, þar sem gert er ráð fyrir línustæði innan við Trékyllisvík, Reykjarfjörð og yfir Trékyllisheiði.

Framkvæmdir á línuleiðum innan Strandabyggðar eru háðar framkvæmdaleyfi sveitarstjórnar Strandabyggðar skv. 13. og 14. gr. skipulagslaga nr. 123/2010. Framkvæmdin er jafnframt háð því að gerð verði breyting á aðalskipulagi Strandabyggðar því ekki er mörkuð stefna um háspennulínurnar og tengivirki í Miðdal í gildandi aðalskipulagi

3. Tillaga að Verndarsvæði í byggð á Hólmavík. Sjá gögn hér: http://www.strandabyggd.is/stjornsysla/tilkynningar/skra/4718/

Umhverfis og skipulagsnefnd þakkar rannsóknarsetri Háskóla Íslands, Þjóðfræðistofu og öllum þeim sem komu að verkefninu Verndarsvæði í byggð. Umhverfis og skipulagsnefnd leggur til við sveitarstjórn að samþykkja og hefja innleiðingu þessa verkefnis.

4. Orkubú Vestfjarða með erindi varðandi Skeiði.

Á svæðinu er ekki í gildi deiliskipulag. 

Stækkun húsnæðis Orkubúsins samræmist samþykktu aðalskipulagi sem skilgreinir svæðið sem iðnaðarsvæði (I1) fyrir blandaða iðnaðarstarfsemi m.a. fyrir starfsemi Orkubús Vestfjarða. Viðbótarbyggingarmagn á lóðinni nemur um 500 fm skv. fyrirspurninni, sem er um fjórðungur af heimiluðu viðbótarbyggingarmagni á iðnaðarsvæðinu I1 í heild skv. aðalskipulagi.

Í fyrirspurninni er aðeins gert ráð fyrir deiliskipulagsgerð innan lóðar Orkubúsins.

Samkvæmt skipulagslögum og skipulagsreglugerð „skal jafnan miða við að deiliskipulag takið til svæða sem mynda heildstæða einingu“. Í því sambandi er yfirleitt horft til götureita eða landnotkunarreita í aðalskipulagi.  

Umhverfis- og skipulagsnefnd telur því að vegna umfangs byggingaráformanna og samræmis við aðalskipulag megi í þessu tilfelli sækja um byggingarleyfi fyrir stækkun húsnæðisins á grundvelli aðalskipulags, án þess að vinna deiliskipulag, enda almennt ekki gert ráð fyrir deiliskipulagi fyrir stakar lóðir í þéttbýli.

5. Orkuvinnslan, umsókn um stofnun lóðar í Hafnardal.

Umhverfis- og skipulagsnefnd leggur til við sveitarstjórn að samþykkja umsóknina og fela byggingarfulltrúa að stofna lóðina.

6. Umsögn vegna : Umhverfis-, orku- og loftslagsráðuneytið kynnir til samráðs mál nr. 113/2025 - „Tillaga um flokkun virkjunarkostsins Garpsdal í nýtingarflokk verndar- og orkunýtingaráætlunar“. Sjá gögn hér: Samráðsgátt | Mál: S-113/2025

Umhverfis og skipulagsnefnd leggst gegn því að vindorkuver í Garpsdal verði fært í nýtingarflokk þar sem ekki liggur fyrir löggjöf um vindorkuver. Einnig er ekki gert ráð fyrir vindorkuverum í Vinnslutillögu um Svæðisskipulag fyrir Vestfirði.

7. Umsókn um framkvæmdarleyfi á Nauteyri vegna borunar á vinnslu og rannsóknarholum.

Samkvæmt deiliskipulagi fiskeldisstöðvar í landi Nauteyrar er gert ráð fyrir vatnstöku á landi Nauteyrar og heimilt að fjölga holum innan skilgreindra reita fyrir borholur á deiliskipulagsuppdráttum, sbr. kafla 3.4 og 3.7 í greinargerð deiliskipulagsins.  Með hliðsjón af loftmynd í umsókn virðast vinnsluholurnar staðsettar innan Baðlaugarsvæðis, en rannsóknarholan innan Suðursvæði á deiliskipulagsuppdrætti III.  Að því leyti virðist staðsetning borholuframkvæmda samræmast deiliskipulagi.  

Umhverfis- og skipulagsnefnd bendir á að djúpborun fellur undir viðauka 1 í lögum um mat á umhverfisáhrifum framkvæmda og áætlana nr. 111/2021, nánar tiltekið  lið 2.04 og flokk B sem eru tilkynningarskyldar til Skipulagsstofnunar.

Samkvæmt lögunum er óheimilt að gefa út framkvæmdaleyfi fyrir tilkynningarskyldum framkvæmdum fyrr en ákvörðun Skipulagsstofnunar um matskyldu liggur fyrir.

• Fá þarf úr því skorið hvort þær framkvæmdir sem sótt um falli undir þetta lagaákvæði og séu tilkynningarskyldar.  

Umhverfis- og skipulagsnefnd frestar afgreiðslu umsóknarinnar og óskar eftir nánari upplýsingum frá framkvæmdaraðila, nánar tiltekið um eftirfarandi:

• Hvort framkvæmdin sé tilkynningarskyld til Skipulagsstofnunar um matskylduákvörðun. Nefndin hvetur framkvæmdaraðila til að senda fyrirspurn um tilkynningarskyldu til Skipulagsstofnunar.
• Hvort leyfi umhverfis- og orkustofnunar fyrir borunum liggur fyrir, sbr. lög um rannsóknir og nýtingu auðlinda úr jörðu nr. 57/1998.
• Framkvæmdaleyfisumsókninni þarf að fylgja betri yfirlitsmynd sem sýnir betur staðsetningu borhola og hvort þær liggja innan skilgreindra reita fyrir borholur skv. deiliskipulagsuppdrætti.
• Nefndin bendir umsækjendum á að fara vel yfir skilmála gildandi deiliskipulags Nauteyrar og gera grein fyrir hvernig framkvæmdin samræmist því.

Sérstök athygli er vakin á skilmálum deiliskipulagsins um framkvæmdir innan Suðursvæðis:  „Á suðursvæðinu vex plantan naðurtunga á afmörkuðu svæði, en tegundin er á válista. Gæta skal að því að raska ekki vaxtarsvæði plöntunnar. Áður en framkvæmdir á svæðinu hefjast skal framkvæmdaaðili kynna sér útbreiðslusvæði plöntunnar. Afmörkun svæðisins skal merkt þannig að tryggja megi verndun hennar á framkvæmdatíma.“ Deiliskipulagið er aðgengilegt í skipulagsvefsjá á slóðinni  https://skipulagsaaetlanir.skipulagsstofnun.is/skipulagvefur/display.aspx?numer=13225

8. Finna hótel, umsókn um byggingarleyfi að Borgabraut 4.

Umhverfis- og skipulagsnefnd leggur til við sveitarstjórn að hafna umsókninni að svo stöddu, og beinir til því til umsækjanda að gera umhverfis- og skipulagsnefnd betur grein fyrir framkvæmdum við Finna hótel án tilskilinna leyfa.

9. Þorgeir Pálsson, umsókn um stöðuleyfi að Stóru-Grund.

Umhverfis- og skipulagsnefnd leggur til við sveitarstjórn að samþykkja umsóknina til eins árs eins og byggingarreglugerð kveður á um.

10. Þorgeir Pálsson 2 erindi vegna Stóru-Grundar

10 A)Staðsetning gestahúss á Stórugrund.  Nú hefur US nefnd áður samþykkt flutning á gestahúsi af Borgabraut 27 inn á Stórugrund og var þá miðað við staðsetningu fyrir ofan veg.  Nú viljum við halda þeim kosti opnum að fá að staðsetja húsið á flötinni fyrir neðan veg, nær sjónum.

Umhverfis- og skipulagsnefnd leggur til við sveitarstjórn að fresta afgreiðslu erindisins þar til lóðarmörk liggja fyrir.

10 B) Mat á lóðastærð. Við óskum eftir því að Magnús Leopoldsson, fasteignasali, verði fenginn til að meta áætlaða lóð Stóru-Grundar sem verður grunnur að endurnýjuðum lóðaleigusamningi. Mikilvægt er að þessi skilgreining sé skýr og afdráttarlaus, enda ályktaði US nefnd í þá veru fyrr á árinu. Magnús Leopoldsson er reyndur í málum af þessu tagi og við óskum því eftir mati hans á stærð þess lands sem heyrir undir Stóru-Grund.

Umhverfis- og skipulagsnefnd bendir sveitarstjórn á að þetta sé í verkahring byggingarfulltrúa, en ef lóðarhafi vill fá annan aðila til verksins þá leggst umhverfis- og skipulagsnefnd ekki gegn því ef lóðarhafi stendur straum af þeim kostnaði.

11. Fyrirspurn frá Við Fimm Café Riis Hólmav. ehf. um leyfi til að byggja smáhýsi á lóð Brukkugötu 4 “Bragginn”

Atli Már Atlason situr hjá í þessum lið. Umhverfis- og skipulagsnefnd beinir því til umsækjanda að sækja um byggingarleyfi á grundvelli aðalskipulags og skila inn fullnægjandi gögnum sbr byggingarreglugerð.

12. Reynir Snædal, umsókn um flutning á stöðuhýsi til Hallsstaða.

Umhverfis- og skipulagsnefnd leggur til við sveitarstjórn að samþykkja flutning á húsinu gegn því að skila inn til byggingarfulltrúa löggiltum aðaluppdráttum og umsókn um byggingarheimild/leyfi sbr. 2.3.6. gr. C liður í byggingarreglugerð.

13. Magnús Steingrímsson, umsókn um byggingarleyfi að Stað Steingrímsfirði.

Marta Sigvaldadóttir situr hjá í þessum lið. Umhverfis- og skipulagsnefnd leggur til við sveitarstjórn að samþykkja umsóknina og felur byggingarfulltrúa að afgreiða málið.

Fundi slitið kl 20:12

Fundur var haldinn í Umhverfis- og skipulagsnefnd Strandabyggðar miðvikudaginn 28 maí 2025, kl. 16:00. að Hafnarbraut 25, á Hólmavík.

Fundinn sátu: Matthías Sævar Lýðsson formaður, Atli Már Atlason, Ragnheiður Ingimundardóttir, Júlíana Ágústsdóttir og Hlynur Torfi Torfason skipulagsfulltrúi sat fundinn í fjarfundarbúnaði ásamt Gretti Erni Ásmundssyni sem ritar fundargerð.

Dagskrá fundarins er eftirfarandi:

1.Kvíslatunguvirkjun – deiliskipulagstillaga til afgreiðslu eftir auglýsingu.

Lögð er fram tillaga að deiliskipulagi Kvíslatunguvirkjunar til afgreiðslu að lokinni auglýsingu í samræmi við 3. mgr. 41. gr. skipulagslaga nr. 123/2010.

Deiliskipulagstillagan gerir ráð fyrir byggingu allt að 9,9 MW vatnsorkuvers, Kvíslatunguvirkjun, í Selárdal í Strandabyggð.

Tillagan var auglýst frá 20. desember 2024 til 20. febrúar 2025 samhliða endurskoðuðu Aðalskipulagi Strandabyggðar 2022-2034 sem markar stefnu um virkjunina. Níu umsagnir bárust um auglýsta tillögu. Engin athugasemd barst frá almenningi, sbr. framlagt minnisblaði  um umsagnir og viðbrögð, dags. 4. mars 2025. Gerðar voru lagfæringar á á greinargerð tillögunnar til að bregðast við umsögnum, þær eru eftirfarandi:

• Skerpt á skilmálum um fornleifaskráningu við Hraunavatn í kafla 2.3. Fornleifar.
• Bætt inn ákvæðum um óbyggð víðerni úr Landskipulagsstefnu í kafla 2.7 um náttúruvernd.
• Bætt hefur verið við ákvæðum til að valda sem minnstu raski á bökkum við ár og vötn og viðhalda náttúrulegum bakkagróðri (kaflar 3.3 og 3.4).

Deiliskipulagstillagan er sett fram í greinargerð ásamt umhverfisskýrslu og á níu deiliskipulagsuppdráttum. Öll gögnin eru dags. 29. nóvember 2024. Greinargerðin var uppfærð eftir auglýsingu í mars 2025. 

Umhverfis- og skipulagsnefnd telur að Kvíslatunguvirkjun bæti framboð á endurnýjanlegri raforku og auki raforkuöryggi á Vestfjörðum. Virkjunin minnki notkun á jarðefnaeldsneyti og bæti þar með kolefnishlutleysi Íslands og styður við stefnu stjórnvalda í loftslagsmálum og leggur því til við sveitarstjórn að samþykkja deiliskipulag Kvíslatunguvirkjunar skv. 3. mgr. 41. gr. skipulagslaga með ofangreindum lagfæringum.

Umhverfis- og skipulagsnefnd leggur til við sveitarstjórn að samþykkja deiliskipulagið og vísar í fyrri bókun nefndarinnar frá 3. apríl 2025.

3. Deiliskipulag Brandskjóla

Umhverfis- og skipulagsnefnd leggur til við sveitarstjórn að samþykkja deiliskipulagið og vísar í fyrri bókun nefndarinnar frá 3. apríl 2025.

Umhverfis- og skipulagsnefnd vekur athygli á við uppbyggingu í Brandskjólum verði gert ráð fyrir tveimur aðkomuleiðum í hverfið. (Vinnuvegur verði frá Jakobínutúni)

Umhverfis- og skipulagsnefnd leggur til við sveitarstjórn að erindisbréfið verði samþykkt. Umhverfis- og skipulagsnefnd vekur athygli á að erindisbréfið verði endurskoðað á fyrsta fundi nýrrar Umhverfis- og skipulagsnefndar eftir sveitarstjórnarkosningar.

5. Þorgeir Pálsson Stóra Grund, umsókn um færslu á gestahúsi til Stóru Grundar.

Umhverfis- og skipulagsnefnd leggur til við sveitarstjórn að samþykkja umsóknina. Umsóknin hins vegar gefur tilefni til þess að skýra lóðarmörk innan Hólmavíkur

6. Önnur mál.
a. Ragnheiður Ingimundardóttir leggur til við sveitarstjórn að leggja göngustíg/hjólastíg meðfram þjóðveginum t.d. frá Hólmavík að Sævangi, að fyrirmynd frá Selfossi til Eyrarbakka.

Fundi slitið kl 18:06

Fundur var haldinn í Umhverfis- og skipulagsnefnd Strandabyggðar fimmtudaginn 3. apríl 2025, kl. 17:00. að Hafnarbraut 25, á Hólmavík.

            Fundinn sátu: Matthías Sævar Lýðsson formaður, Atli Már Atlason, Ragnheiður Ingimundardóttir, Ragnheiður Hanna Gunnarsdóttir, Börkur Vilhjálmsson og Grettir Örn Ásmundsson byggingarfulltrúi sem ritar fundargerð. Hlynur Torfi Torfason skipulagsfulltrúi sat fundinn í fjarfundarbúnaði.

Dagskrá fundarins er eftirfarandi:

1.      Aðalskipulag Strandabyggðar 2024 – 2036 - heildarendurskoðun

Lögð er fram til afgreiðslu skv. 1. mgr. 32. gr. skipulagalaga nr. 123/2010 Aðalskipulag Strandabyggðar 2024-2036, sem er heildarendurskoðun gildandi aðalskipulags sveitarfélagsins. Sveitarstjórn samþykkti þann 12. nóvember 2024 aðalskipulagstillöguna til auglýsingar og var hún til kynningar frá 20. desember 2024 með athugasemdarfresti til 28. febrúar 2025. 

Á kynningartímanum bárust 25 umsagnir og athugasemdir. Farið hefur verið yfir þær og tekin afstaða til þeirra. Gerð er grein fyrir viðbrögðum við umsögnum og efnislegum athugasemdum í samantekt dags. 3. apríl 2025.

Ýmsar minniháttar breytingar hafa verið gerðar á texta til að skerpa á ákvæðum og áherslum, auk lagfæringa á framsetningu.  Helstu breytingar sem gerðar voru frá auglýstri tillögu eru:

• Þéttbýlismörkum var breytt að vestanverðu og afmörkun flugvallarsvæðis.
• Afmörkun iðnaðarsvæðis I7 vegna Austurgilsvirkjunar var breytt lítillega.
• Afmörkun hverfisverndarsvæða var breytt.
• Skógræktar- og landgræðslusvæði skilgreint á jörðinni Felli við Kollafjörð.
• Háspennulína og tengivirki frá Hvalárvirkjun sem var í auglýstri tillögu var tekin burt því ákvörðun um legu liggur ekki fyrir.
• Gildistímabil í heiti aðalskipulags hefur verið uppfært í 2024-2036.

Umhverfis- og skipulagsnefnd mun gera grein fyrir viðbrögðum við umsögnum og leggja til við sveitarstjórn að samþykkja Aðalskipulag Strandabyggðar 2024-2036 með þeim breytingum sem gerð er grein fyrir í samantekt.

Deiliskipulag Brandskjóla

Um er að ræða deiliskipulag innan þéttbýlis á Hólmavík fyrir nýtt íbúðarsvæði (ÍB5) og svæði fyrir samfélagsþjónustu (S3), sbr. Aðalskipulag Strandabyggðar 2024-2036 sem kynnt var samhliða deiliskipulaginu.

Tillagan var auglýst frá 28. janúar með athugasemdarfresti til 14. mars 2025. Athugasemdir bárust.  Minjastofnun Íslands gerði engar athugasemdir. Heilbrigðiseftirlit Vestfjarða benti á að æskilegt væri að veita ofanvatni í aðskilið kerfi til næsta viðtaka. Tveir einstaklingar gerðu athugasemdir sem báðar snéru að útfærslu gatnakerfis og gagnrýndu að ekki væri önnur gata að Brandskjólum en Vitabraut. Áhyggjum var lýst af burðarþoli Vitabrautar og að umferðarálag frá Brandskjólum kallaði á aðra vegtengingu um Jakobínutún.

Umhverfis- og skipulagsnefnd bendir á að vegtenging milli Jakobínutúns og Brandskjóla var skoðuð við mótun tillögunnar en ekki talin ákjósanleg því það myndi óhjákvæmilega skapa gegnumstreymisumferð um nýtt íbúðarhverfi Brandskjóla og auka bílaumferð um Vitabraut. Góðar göngutengingar eru úr aðliggjandi íbúðargötum að Jakobínutúni.

Umhverfis- og skipulagsnefnd felst á að lagfæra þarf framsetningu göngustíga til samræmis milli deiliskipulags Jakobínutúns og deiliskipulags Brandskjóla. Umhverfis- og skipulagsnefnd leggur til við sveitarstjórn að samþykkja deiliskipulag Jakobínutúns skv. 3. mgr. 41. gr. skipulagslaga með ofangreindri breytingu.

Deiliskipulag Jakobínutúns

Um er að ræða deiliskipulag fyrir hluta nýs miðsvæðis á Hólmavík, sbr. M2 í Aðalskipulagi Strandabyggðar 2024‐2036 sem kynnt var samhliða deiliskipulaginu.

Á svæðinu er nú til staðar íþróttahús, sundlaug, félagsheimili, verslun og tjaldsvæði en ráðgert er að auka þjónustu á svæðinu og byggja þar m.a. hótel, endurskipuleggja tjaldsvæði, leiksvæði og fleira. Svigrúm er einnig fyrir breytingar á núverandi húsnæði og nýbyggingum, sem falla að nýtingu svæðisins.

Tillagan var auglýst frá 28. janúar með athugasemdarfresti til 14. mars 2025. Athugasemdir bárust.  Minjastofnun Íslands, Náttúruverndarstofnun gerðu engar athugasemdir. Heilbrigðiseftirlit Vestfjarða setti fram ábendingar um umfjöllun um veitumál. Í umsögn Vegagerðarinnar eru minnt á reglur um veghelgunarsvæði og fjarlægðir milli vegtenginga utan þéttbýlis, sem ekki kalla á breytingu deiliskipulagstillögu.

Einnig bárust athugasemdir frá fimm einstaklingum, sem snéru að staðarvali hótels og óskir um hótel við hafnarsvæðið. Einnig var lýst áhyggjum af því að klettaborgirnar yrðu eyðilagðar með uppbyggingu, staðasetning tjaldsvæða og leiksvæðis var gagnrýnd. Þá var lýst áhyggjum af kostnaði sveitarfélagsins við hótelframkvæmd. Bent var á misræmi á stígakerfa milli aðliggjandi deiliskipulagssvæða og kallað eftir vegtengingu milli Jakobínutúns og Brandskjóla.

Umhverfis- og skipulagsnefnd felst ekki á að staðsetning hótels við Jakobínutún gangi ekki upp. Svæðið er skilgreint sem miðsvæði og þar er landrými til staðar fyir slíka starfsemi. Staðsetning er heppileg með tillit til umferðar að því leyti að umferð ferðamanna mun síður valda ama í íbúðarbyggð en ef hóteluppbygging yrðir í gamla bænum. Aðrar byggingar s.s. gamla sláturhúsið standa ekki til boða undir hótelstarfsemi og eru því ekki raunhæfir valkostir. Byggingareitur fyrir hótel við Jakobínutún tekur til hluta af klettaborg og lögð er áhersla að aðlaga byggingu að landslagi og forðast rask utan byggingareits og bílastæða. Eftir uppbyggingu verður landslag klettborganna óbreytt utan byggingareitsins. Kostnaður við hóteluppbyggingu og lóðaframkvæmdir hótels er borinn af framkvæmdaraðilum en ekki sveitarfélaginu.

Umhverfis- og skipulagsnefnd bendir á að vegtenging milli Jakobínutúns og Brandskjóla var skoðuð við mótun tillögunnar en ekki talin ákjósanleg því það myndi óhjákvæmilega skapa gegnumstreymisumferð um nýtt íbúðarhverfi Brandskjóla og auka bílaumferð um Vitabraut. Góðar göngutengingar eru úr aðliggjandi íbúðargötum að Jakobínutúni. 

Umhverfis- og skipulagsnefnd felst á að lagfæra þarf framsetningu göngustíga til samræmis milli deiliskipulags Jakobínutúns og deiliskipulags Brandskjóla, en það verður lagfært á uppdrætti deiliskipulags Brandskjóla (sjá mál nr. 2 í fundargerð). 

Umhverfis- og skipulagsnefnd leggur til við sveitarstjórn að samþykkja deiliskipulag Jakobínutúns óbreytt skv. 3. mgr. 41. gr. skipulagslaga.

2. Merkjalýsing Broddanes

3. Breytt staðfang Víkurtúns 19 – 25

Umhverfis- og skipulagsnefnd leggur til við sveitarstjórn að breyta staðfangi Víkurtún 19 – 25 í Höfðatún 1 -7.

4. Breytt notkun húsnæðis að Höfðagötu 3b

Umhverfis- og skipulagsnefnd leggur til við sveitarstjórn að samþykkja erindið og notkun Höfðagötu 3b verði skilgreind sem safnastarfsemi.

5. Breytt staðfang Höfðagötu 3b

Umhverfis- og skipulagsnefnd leggur til við sveitarstjórn að breyta staðfangi Höfðagötu 3b yfir í Norðurfjöru 1.

Fundi slitið kl 20:12

Fundur var haldinn í Umhverfis- og skipulagsnefnd Strandabyggðar fimmtudaginn 9. Janúar 2025, kl. 17:00. Að Hafnarbraut 25, á Hólmavík.

Fundinn sátu: Matthías Sævar Lýðsson formaður, Atli Már Atlason, Guðrún Elínborg Þorvaldsdóttir, Börkur Vilhjálmsson og Grettir Örn Ásmundsson byggingarfulltrúi sem ritar fundargerð.

Dagskrá fundarins er eftirfarandi:

1.Jakobínutún deiliskipulag

Lögð fram tillaga að deiliskipulagi Jakobínutúns, dags. 7. janúar 2025. Tillagan tekur til hluta miðsvæði (M2) og aðliggjandi opnu svæði (OP4) í tillögu að heildarendurskoðun Aðalskipulags Strandabyggðar 2021‐2033 sem er í kynningu fram til 14. febrúar 2025.

Meginmarkmið deiliskipulagsins er að uppfylla þörf fyrir miðsvæði að fjölbreyttri gerð. Í dag er til staðar íþróttahús, sundlaug, félagsheimili, verslun og tjaldsvæði en ráðgert er að auka þjónustu á svæðinu m.a. með því að byggja hótel sem er í góðum tengslum við sundlaug, félagsheimili, tjaldsvæði og hægt verði að samnýta bílastæði og aðra þjónustu. Svigrúm er einnig fyrir breytingar á núverandi húsnæði og nýbyggingum, sem falla að nýtingu svæðisins.

Umhverfis- og skipulagsnefnd samþykkir að beina því til sveitarstjórnar að auglýsa tillögu að deiliskipulagi Jakobínutúns sbr. 1.mgr. 41 gr. skipulagslaga 123/2010.

2. Gönguleiðir í grennd við Hólmavík
Umhverfis- og skipulagsnefnd þakkar Jóni Jónssyni kærlega fyrir greinargóða samantekt. Skýrslan verður öllum aðgengileg á vef Strandabyggðar.

3. Deiliskipulag íbúabyggðar í Brandskjólum
Umhverfis- og skipulagsnefnd ítrekar samþykkt sína frá 7. nóvember 2024 um að auglýsa tillögu af deiliskipulagi Brandskjóla.

Önnur mál.

Fundi slitið kl 18:10

Fundur var haldinn í Umhverfis- og skipulagsnefnd Strandabyggðar mánudaginn 5. desember kl.17:00 í ráðhúsinu að Hafnarbraut 25 á Hólmavík. Fundinn sátu: Matthías Lýðsson formaður, Guðrún Þorvaldsdóttir, Börkur Vilhjálmsson og Valgeir Örn Kristjánsson. Matthías Lýðsson ritaði fundargerð.

Dagskrá fundarins er eftirfarandi:

1. Kvíslatunguvirkjun, deiliskipulag
2. Önnur mál

1. Kvíslatunguvirkjun – deiliskipulagstillaga

Lögð er fram tillaga að deiliskipulagi Kvíslatunguvirkjunar, sbr. erindi Gunnars Páls Eydal 29. nóvember 2024, fh. Orkubús Vestfjarða, þar sem þess er óskað að tillagan verði auglýst.

Deiliskipulagstillagan gerir ráð fyrir byggingu allt að 9,9 MW vatnsorkuvers, Kvíslatunguvirkjun, í Selárdal í Strandabyggð. Megin stöðvarhús virkjunarinnar verður í Selárdal og inntakslón, miðlunarlón og veituskurðir á heiðinni, norðan við Þjóðbrókargil. Framleidd orka verður flutt um 33 kV jarðstreng að tengivirki Orkubús Vestfjarða við Stakkanes fyrir botni Steingrímsfjarðar.

Tímabundnar vinnubúðir verða settar upp á framkvæmdatímanum vestan Selár á móts við Kópstaðagil með aðstöðu fyrir allt að 60 manns og vélageymslu og verkstæði. Innan eins árs frá lokum framkvæmda skal taka byggingarnar niður og ganga frá vinnubúðasvæðinu þannig að það falli vel að landslaginu og gróðurfari.

Deiliskipulagstillagan er sett fram í greinargerð ásamt umhverfisskýrslu og á níu deiliskipulagsuppdráttum. Öll gögnin eru dags. 29. nóvember 2024.

Umhverfis og skipulagsnefnd leggur til við sveitarstjórn að tillagan verði kynnt í samræmi við 1. mgr. 41. gr. skipulagslaga. Deiliskipulagstillagan verði auglýst samtímis tillögu að endurskoðun Aðalskipulags Strandabyggðar 2021-2033.

2. Önnur mál

Engin önnur mál

Fleira ekki fyrirtekið, fundargerð lesin yfir og samþykkt. Fundi slitið kl. 17.23

Dagskrá fundarins er eftirfarandi:

1. Endurskoðun aðalskipulags Strandabyggðar, athugun Skipulagsstofnunar.

Skipulagsstofnun lauk athugun sinni á tillögu að endurskoðun aðalskipulags sbr. afgreiðslubréf dags. 25. október 2024. Stofnunin gerir ekki athugasemd við að tillagan verði auglýst skv. 31. gr. skipulagslaga, þegar tekið hafi verið tillit til þeirra athugasemda og ábendinga sem fram koma í athuguninni.

Umhverfis- og skipulagsnefnd beinir því til sveitarstjórnar að fela skipulagsfulltrúa að fylgja eftir við skipulagsráðgjafa að uppfæra tillöguna með tilliti til afgreiðslu Skipulagsstofnunar áður en tillagan verði auglýst.

2. Beiðni frá Skipulagsstofnun um umsögn vegna Kvíslatunguvirkjunnar.

Skipulagsstofnun hefur leitað umsagnar Strandabyggðar um umhverfismatsskýrslu Kvíslatunguvirkjunar á grundvelli 23. gr. laga um umhverfismat framkvæmda og áætlana nr. 111/2021.

Umhverfis- og skipulagsnefnd hefur kynnt sér umhverfismatsskýrsluna og niðurstöður hennar. Nefndin hefur tekið saman hjálagða umsögn og beinir því til sveitarstjórnar að fela skipulagsfulltrúa að skila henni til Skipulagsstofnunar.

3. Hafnardalsárvirkjun, beiðni um að vera tekin með í aðalskipulag Strandabyggðar 2021-2033.

Umhverfis- og skipulagsnefnd frestar að taka afstöðu til erindisins og beinir því til sveitastjórnar að fela skipulagsfulltrúa að afla upplýsinga um eignarétt, vatnsréttindi og afstöðu landeiganda beggja vegna ár.

4. Uppsetning á rafbílahleðslustöðvum frá Teslu á N1 reit í Höfðatúni.

Umhverfis- og skipulagsnefnd tekur vel í erindið en óskar eftir staðfestingu frá lóðarhafa á erindinu. Og leggur jafnframt til við sveitarstjórn að fela byggingarfulltrúa að grenndarkynna framkvæmdina.

5. Önnur mál.

a. Tillaga að deiliskipulagi í Brandskjólum.
Umhverfis- og skipulagsnefnd samþykkir að beina því til sveitarstjórnar að auglýsa samhliða aðalskipulagi Strandabyggðar 2021-2033, tillögu að deiliskipulagi íbúðabyggðar í Brandskjólum sbr. 1.mgr. 41 gr. Skipulagslaga 123/2010

b. Tillaga að deiliskipulagi Jakobínutúns og nágrennis lögð fram til kynningar.

c. Umhverfis- og skipulagsnefnd beinir því til sveitastjórnar að skipa fulltrúa í svæðiskipulagsnefnd Vestfjarða í stað Jóns Sigmundssonar.

Fundi slitið kl 18:51

Fundur var haldinn í Umhverfis- og skipulagsnefnd Strandabyggðar fimmtudaginn 5. september 2024, kl. 17:00. Að Hafnarbraut 25, á Hólmavík.

Fundinn sátu: Matthías Sævar Lýðsson formaður, Þröstur Áskelsson, Guðrún Elínborg Þorvaldsdóttir, Atli Már Atlason, og Grettir Örn Ásmundsson byggingarfulltrúi sem ritar fundargerð, Hlynur Torfi Torfason var í fjarfundarbúnaði ásamt Margréti Ólafsdóttur frá Landsmótun ehf.

Dagskrá fundarins er eftirfarandi:

1. Aðalskipulag Strandabyggðar 2021 – 2033, afgreiðsla skv. 3. mgr. 30. gr. Skipulagslaga.
Lögð fram tillaga að nýju Aðalskipulagi Strandabyggðar 2021-2033 að lokinni kynningu vinnslutillögu, sbr. 2. mgr. 30. gr. skipulagslaga nr. 123/2010. Margrét Ólafsdóttir frá Landmótun fór yfir umsagnir sem bárust og viðbrögð við þeim.

Umhverfis og skipulagsnefnd leggur til við sveitarstjórn að samþykkja tillöguna skv. 3. mgr. 30. gr. skipulagslaga.

2. Deiliskipulag Kvíslatunguvirkjunar, tillaga á vinnslustigi til kynningar sbr. 4. Mgr. 40. Gr. Skipulagslaga.

Lögð er fram tillaga að deiliskipulagi Kvíslatunguvirkjunar á vinnslustigi, sbr. erindi Orkubú Vestfjarða dags. 3. september 2024 þar sem óskað er að tillagan verði kynnt almenningi og hagsmunaaðilum.

Umhverfis og skipulagsnefnd leggur til við sveitarstjórn að vinnslutillagan verði kynnt í samræmi við 4. mgr 40. gr. skipulagslaga.

3. Hólmadrangur – Erindi um breytt staðfang.
Umhverfis- og skipulagsnefnd leggur til við sveitarstjórn að samþykkja erindið og breyta staðfangi Höfðagötu 3a í Kópnesbraut 2.

4. Hólmadrangur – Erindi um breytt lóðarmörk.
Umhverfis- og skipulagsnefnd leggur til við sveitarstjórn að hafna erindinu af þeirri ástæðu að ekki sé þörf á að breyta fyrirkomulagi lóðarmarka og loka þannig aðgengi umferðar. Formaður er mótfallinn afgreiðslu meirihlutar umhverfis- og skipulagsnefndar.

5. Hólmadrangur – Erindi um færslu á matshluta Hólmadrangs.
Umhverfis- og skipulagsnefnd leggur til við sveitarstjórn samþykkja erindið.

6. Ísak Lárusson – Umsókn um framkvæmdarleyfi fyrir skógrækt að Selflóa.
Lögð fram umsókn um framkvæmdaleyfi sbr. 13. gr. skipulagslaga, sbr. erindi landeiganda dags. 10. júní 2024.

Umhverfis og skipulagsnefnd leggur til við sveitarstjórn að umsóknin verði samþykkt.

7. Naomi Désirée Bos – Umsókn um framkvæmdarleyfi fyrir skógrækt að Felli.
Umhverfis- og skipulagsnefnd leggur til við sveitarstjórn að fresta afgreiðslu málsins og óska eftir skýringum á nokkrum óljósum atriðum. Formanni umhverfis- og skipulagsnefndar er falið að ræða við umsækjanda.

8. Hraðfrystihúsið Gunnvör hf – Umsókn um framkvæmdarleyfi fyrir lagningu nýrrar hitaveitulagnar að Nauteyri
Lögð fram umsókn um framkvæmdaleyfi sbr. 13. gr. skipulagslaga, sbr. erindi Hraðfrystihúsins – Gunnvarar dags. 16. júlí 2024.

Umhverfis og skipulagsnefnd leggur til við sveitarstjórn að umsóknin verði samþykkt.

9. Umsókn um stækkun lóða að Borgabraut 25,27 og 29.
Umhverfis- og skipulagsnefnd leggur til við sveitarstjórn að samþykkja lóðirnar í samræmi við uppdrátt frá byggingarfulltrúa dagsettan 3.9.2024.

10. Deiliskipulag Skeljavík
Umhverfis- og skipulagsnefnd leggur til við sveitarstjórn að óska eftir því við Landmótun ehf að tvær sumarhúsalóðirnar næst Djúpvegi, verði færðar fjær Djúpvegi og ný vegtenging verði frá Þverárvirkjunarvegi.

11. Gjaldskrá byggingarleyfis/heimildar-, framkvæmda-, skipulags- og þjónustugjöld í Strandabyggð.
Umhverfis- og skipulagsnefnd leggur til við sveitarstjórn að fresta erindinu vegna gögn bárust ekki í tíma.

Fundi slitið kl 19:20

_____________________________ ______________________________
_____________________________ ______________________________
_____________________________ ______________________________
_____________________________ ______________________________
_____________________________ ______________________________

Fundur var haldinn í Umhverfis- og skipulagsnefnd Strandabyggðar fimmtudaginn 6. Júní 2024, kl. 17:00. Að Hafnarbraut 25, á Hólmavík.

Fundinn sátu: Matthías Sævar Lýðsson formaður, Þröstur Áskelsson, Ragnheiður Hanna Gunnarsdóttir, Guðrún Elínborg Þorvaldsdóttir, Börkur Vilhjálmsson og Grettir Örn Ásmundsson byggingarfulltrúi sem ritar fundargerð, Hlynur Torfi Torfason var í fjarfundarbúnaði.

Dagskrá fundarins er eftirfarandi:

1. Umsókn um framkvæmdarleyfi á Ennishálsi, umsækjandi er Vegagerðin.

Umhverfis- og skipulagsnefnd leggur til við sveitarstjórn að umsóknin verði samþykkt.

2. Umsókn um stöðuleyfi á Tanganum, umsækjandi er Gola útgerð ehf.

Umhverfis- og skipulagsnefnd hafnar umsókninni vegna þeirrar stefnu að fjarlægja eigi alla gáma af tanganum og beinir því til sveitarstjórnar að aðstoða umsækjendur um að finna hentugan stað undir starfsemi sína.

3. Umsókn um byggingarleyfi á sjóhreinsihúsi á Nauteyri, umsækjandi er Háafell ehf.

Umhverfis- og skipulagsnefnd leggur til við sveitarstjórn að umsóknin verði samþykkt.

4. Umsókn um byggingarleyfi fyrir 1.635 m² stálgrindarskemmu á Nauteyri, umsækjandi er Háafell ehf.

Umhverfis- og skipulagsnefnd leggur til við sveitarstjórn að umsóknin verði samþykkt.

 
5. Umsókn um byggingarleyfi á Skeiði 5, umsækjandi er Orkubú Vestfjarða.

Umhverfis- og skipulagsnefnd leggur til við sveitarstjórn að samþykkja umsóknina en bendir umsóknaraðilum að skoða aðrar útfærslur á staðsetningu fyrirhugaðrar byggingar á lóðinni vegna aðkomu að húsinu

 
6. Umsókn um óverulega breytingu á deiliskipulagi á Borgabraut, umsækjendur eru íbúar á Borgabraut.

Umhverfis- og skipulagsnefnd leggur til við sveitarstjórn að samþykkja umsókn um breytingu á gildandi deiliskipulagi. Nefndin telur að breytingin teljist óveruleg sbr. 2 mgr. 43 gr. Skipulagslaga og felur skipulagsfulltrúa að grenndarkynna breytinguna, sbr 44 gr. skipulagslaga.

Önnur mál
a) Umhverfis- og skipulagsnefnd vekur athygli á að í kynningu er vinnslutillaga af heildar endurskoðun aðalskipulags Strandabyggðar. Hún er aðgengileg í skipulagsgátt Skipulagsstofnunar. Nefndin hvetur íbúa og alla sem láta sér málið varða að kynna sér efnið: https://skipulagsgatt.is/issues/2024/675

b) Svæðisskipulagsnefnd Vestfjarða hefur auglýst skipulagslýsingu vegna vinnu við nýtt svæðisskipulag Vestfjarða, nefndin hvetur alla til að kynna sér lýsinguna, sem er aðgengileg á vef Skipulagsstofnunnar: https://skipulagsgatt.is/issues/2024/603

c) Umhverfis- og skipulagsnefnd lýsir yfir áhyggjum af stöðugri útbreiðslu ágengrar plantna svo sem lúpínu og kerfils og hvetur sveitarstjórn til að leita sér ráðgjafar um varnir gegn þessum ófögnuði.

            Fundi slitið kl 18:20

6. Umsókn um breytt útlit að Bröttugötu 2, breytt útlit á gluggum.

Umhverfis og skipulagsnefnd leggur til við sveitarstjórn að umsóknin verði
samþykkt.

7. Beiðni um styrk fyrir skilti á Ennishálsi.

Umhverfis og skipulagsnefnd vísar erindinu til sveitarstjórnar og bendir á að í
gildi eru skiltisreglur í Strandabyggð og senda þarf skipulagsfulltrúa gögn um
fyrirhugað skilti.

8. Umsókn um niðurrif á steinsteyptum svölum og byggja nýjar úr timbri, einnig
að færa sólskála aftan húss, frá vestan til austan megin á húsinu.

Umhverfis- og skipulagsnefnd leggur til við sveitarstjórn að samþykkja
umsóknirnar.

9. Verndarsvæði í byggð – Þjóðfræðisetur Háskóla Íslands.

Umhverfis og skipulagsnefnd leggur til við sveitarstjórn að þau ytri mörk
verndarsvæðisins sem að fram koma í minnisblaði EV/JJ dagsett 6. maí 2024
verði samþykkt af sveitarstjórn.

10. Svæðisskipulag

Umhverfis- og skipulagsnefnd hafa ekki borist erindi vegna
svæðiskipulagsgerðar fyrir sveitarfélög á Vestfjörðum og hefur því ekki tök á
að fjalla um málið.

11. Önnur mál.

a. Brattagata og Kópnesbraut.

Umhverfis- og skipulagsnefnd leggur til við sveitarstjórn að fá þar til
færa aðila til að hanna nauðsynlegar gatnaframkvæmdir á Bröttugötu
og Kópnesbraut.

b. Umsókn um stöðuleyfi við Galdrasafnið.
Umhverfis- og skipulagsnefnd leggur til við sveitarstjórn að samþykkja
umsóknina til 1. maí 2025.

c. Umhverfismál á Tanganum.
Umhverfis- og skipulagsnefnd beinir því til sveitarstjórnar enn og aftur,
að fara að taka til hendinni og fjarlæga gámana á tanganum.

Einnig bendir nefndin á að óheimilt er að geyma númerslausa bíla
samkvæmt gildandi deiliskipulagi frá 2015

Fundi slitið kl 19:21