námskeiðinu.

Fáir umsækjendur sóttu um sumarstörf í vinnuskóla, því var þeim umsækjendum raðað í hin ýmsu störf á vegum Strandabyggðar. Til dæmis sem aðstoð við sumarnámskeið, vinnu í áhaldahúsi, leikskóla og Sorpsamlagi.

4. Önnur mál
a. Sparkvöllurinn við Grunnskólann
Skipta þarf um gervigras og kurl. Kurlið er farið að skemma innviði skólanns, föt og skó barna. Þá er óljóst hversu heilsuspillandi kurlið er og nýtt kurl þyrfti að uppfylla kröfur um að vera ekki heilsuspillandi. Þá þarf að bæta öryggi barnanna sem allra fyrst með því að setja upp net eða grindverk til varnar þess að boltinn renni niður gegnum tvö af hættulegustu
gatnamót þorpsins. Nefndin leggur til að þegar farið verði í þessar framkvæmdir, að skoða kostnað við að leggja hitalagnir undir nýja gervigrasið.

b. Nefndin ræddi stöðuna á Lilla róló.

Fundi slitið kl: 18:01

Mánudaginn 29. apríl 2025 var 86. nefndarfundur TÍM nefndar haldinn í Ráðhúsi Strandabyggðar á Hólmavík. Hófst fundurinn kl. 16:30. Eftirtaldir nefndarmenn sátu fundinn: Júlíana Ágústsdóttir formaður, Árni Magnús Björnsson, Magnea Dröfn Hlynsdóttir, Þórdís Karlsdóttir og Kristín Anna Oddsdóttir varamaður. Tómstundafulltrúi Andri Freyr Arnarsson sat einnig fundinn og ritaði fundargerð.

Fundardagskrá er svohljóðandi:

1. Menningarverðlaun, reglur og auglýsing http://www.strandabyggd.is/stjornsysla/tilkynningar/skra/607/
2. Hátíðardagskrá 2025 uppfærð https://www.sorceryfestival.is/, https://saudfjarsetur.is/vidburdir-framundan/, Sameinumst á Ströndum og fl.
3. Sumarnámskeið og vinnuskóli http://www.strandabyggd.is/frettir/Vinnuskoli_Strandabyggdar_2025_opid_fyrir_umsoknir/
4. Menningarstarf í Strandabyggð, stefna sveitarfélagsins og stuðningur við listafólk. Menningarstefna Vestfjarða https://www.vestfirdir.is/is/verkefni/menning/menningastefnur
5. Norðurfjara menningarmiðstöð, til kynningar
6. Önnur mál

Þá var gengið til dagskrár:

1. Menningarverðlaun, reglur og auglýsing

Farið var yfir reglur um menningarverðlaun og ekki fannst okkur tilefni til að breyta þeim.
Varðandi verðlaun, væri talsvert skemmtilegra að geta veitt fjárhagsstyrk með verðlaunum sem hvatningu til áframhaldandi góðra verka.  Auglýsing mun verða birt á strandabyggd.is á næstu dögum. 

2. Hátíðardagskrá 2025

Stærri viðburðir á vegum félagasamtaka og íbúa í Strandabyggð sem vitað er um á þessum tímapunkti:

Hörmungadagar í febrúar, Strandagangan í mars, Galdrafár á Ströndum í maí, Sjómannadagurinn í júní, Þjóðhátíðardagurinn í júní, Náttúrubarnahátíðin í júlí, Sameinumst á Ströndum í ágúst,  Trékyllisheiðin í ágúst, Íslandsmótið í hrútadómum í ágúst, kótilettukvöld í nóvember og fleira.

3. Sumarnámskeið og vinnuskóli
http://www.strandabyggd.is/frettir/Vinnuskoli_Strandabyggdar_2025_opid_fyrir_umsoknir/

Stefnt er á að Vinnuskólinn verði haldinn og starfsmenn verða ráðnir til að sjá um skólann í samvinnu við áhaldahúsið.

Alls bárust fjórar umsóknir, tvær um starf við aðstoð á leikskóla og tvær um útistörf. Umsóknir komu um umsjónaraðila með vinnuskóla frá ungu fólki í gegnum Nordjob en ekki fannst húsnæði fyrir starfsmenn svo að það fellur um sjálft sig og þurfum við að finna farveg varðandi umsjón. Vinnuskólafólk sem vinnur á leikskóla verður í umsjón starfsmanna þar. Aðstoð vinnuskólans hefur einnig verið á sumarnámskeiðum.

Sumarnámskeið á vegum Geislans verður 10.-13. júní.  Hallbera Gunnarsdóttir heldur námskeið eins og undanfarin ár með alls kyns útiveru og hreyfingu.

Sumarnámskeið á vegum Strandabyggðar verða 16.-20. júní og 23.-27. júní.
Í fyrri vikunni verður Einar Lúðvík Ólafsson með teikninámskeið samblandað við útiveru og í seinni vikunni verður Arnljótur Sigurðsson með tónlistarnámskeið.

4. Menningarstarf í Strandabyggð, stefna sveitarfélagsins og stuðningur við listafólk. Menningarstefna Vestfjarða
https://www.vestfirdir.is/is/verkefni/menning/menningastefnur

Ræddir voru styrktarmöguleikar á vinnurýmum fyrir listafólk og möguleika á residensíum.

Júlíana mætti á fund menningarstefnu Vestfjarða og er það á frumstigi.

5. Norðurfjara menningarmiðstöð, til kynningar.

Við fengum senda kynningu á verkefninu og leyst mjög vel á.  Ræddum möguleika á samstarfi skóla, eldriborgara og fleira.  Mjög jákvætt fyrir samfélagið.

6. Önnur mál

a)       Peningastyrkir vegna menningarmála mætti dreyfast á fleiri menningarviðburði. Skv fjárhagsáætlun verður 800.000 kr úthlutað í menningarstarfssemi og stendur til að öll upphæðin fari í eina hátíð í stað þess að dreifa upphæðinni á fleiri menningarviðburði.

Fundi slitið kl: 18:36

1. Forvarnaráætlun
2. Yfirferð framboða félagasamtaka, íþrótta- og tómstunda
3. Íþróttamanneskja ársins, reglur yfirfarnar / auglýst eftir tilnefningum
4. Erindisbréf TÍM nefndar
5. Tómstundastyrkir
6. Fjárhagsáætlun, hvað er búið og hvað er eftir
7. Önnur mál

1. Forvarnaráætlun

Nefndin vill sjá aukið samstarf milli félagasamtaka og aðila á svæðinu, jafnvel við nágrannasveitarfélög, við að fá fyrirlesara og aðra til okkar sem vinna að forvörnum. Tómstundafulltrúa falið að leitast eftir samstarfi við nágrannasveitarfélög um málefnið.

2. Yfirferð framboða félagasamtaka, íþrótta- og tómstunda

Þrátt fyrir að erfiðlega hafi gengið að manna stöður þjálfara nú fyrr í haust þá er búið að manna þjálfara í fótbolta fyrir báða aldurshópa, íþróttagrunn og leikjanámskeið fyrir yngri hóp, línuskauta og styrktarþjálfun. Eftir áramót bætast við skíðaæfingar. Einnig er búið að ráða tómstundafulltrúa í 70% stöðu og hefur hann þegar hafið störf að hluta en kemur inn að fullum krafti í byrjun desember þar sem hann var í annarri vinnu og þarf þar af leiðandi að klára ýmis verkefni þar. Við erum mjög ánægð með nýráðinn tómstundafulltrúa og bjóðum hann velkominn til starfa.

3. Íþróttamanneskja ársins, reglur yfirfarnar/ auglýst eftir tilnefningum

Tilnefningar þurfa að auglýsa í desember og ítreka í janúar. Verðlaun verða svo afhent á Íþróttahátíð Grunnskólans. Reglur yfirfarnar og samþykktar af nefndinni. Tómstundafulltrúa falið að sjá um að gera auglýsingu og auglýsa.

4. Erindisbréf TÍM - nefndar

Nefndin fer yfir bréfið og samþykkir. Erindisbréfið sent til sveitarstjórnar til samþykktar.

5. Frístundastyrkir

Nefndin leggur til að sveitarstjórn samþykki tillögu nefndarinnar um frístundarstyrk, sjá meðfylgjandi gögn.

6. Fjárhagsáætlun, hvað er eftir og hvað er búið

Íþróttamiðstöð:
• Búið
o Viðgerð á pottum, viðgerð á leka milli potta.
o Endurnýjun á sandsíum.
o Uppsetning á varmadælum.
o Gluggaskipti.

• Eftir:
o Endurnýjun ljósa í sal.
o Nýtt stjórnkerfi á sundlaug og potta.
o Útihurðar á íþróttasal – útihurðar á íþróttasal eru neyðarútgangar.
o Loftræsting í íþróttasal.
o Leki frá þaki á íþróttasal.

7. Önnur mál

• Mælum með því að lokaðir skápar verði settir í eitt bil í íþróttasal þar sem hægt væri að geyma ýmis minni áhöld sem eru geymd í áhaldageymslu svo hægt sé að koma stærri hlutum eins og boltagrindum og hesti aftur inn í áhaldageymslu til þess að minnka slysahættu fyrir iðkendur.
• Þarf að slökkva á ærslabelg við félagsheimilið fyrir veturinn.

Fundi slitið kl: 18:21

Mánudaginn 2. september 2024 var 83. nefndarfundur TÍM nefndar haldinn í Ráðhúsi Strandabyggðar á Hólmavík. Hófst fundurinn kl. 17:00.

Eftirtaldir nefndarmenn sátu fundinn: Sigríður Jónsdóttir formaður, Jóhanna Rósmundsdóttir, Jóhann Björn Arngrímsson, Magnea Dröfn Hlynsdóttir og Magnús Steingrímsson, en Þórdís Karlsdóttir boðaði forföll og áheyrnarfulltrúi Ungmennaráðs einnig.

Jóhanna Rósmundsdóttir ritar fundargerð.

Fundardagskrá er svohljóðandi:

1. Samantekt á sumarstarfi
2. Starfsáætlun Íþrótta- og tómstundafulltrúa og tengdra stofnanna
3. Starfsáætlun nefndar
4. Útivistarsvæði
5. Nýtt samstarf milli ozon og frístundar
6. Veturinn frammundan
7. Menningarviðburðir í sumar
8. Íþróttaviðburðir í sumar
9. Frispýgolf
10. Fjárhagsáætlun undirbúningur og áherslur nefndar
11. Frístundastyrkur minna á að sækja um

1. Samantekt á sumarstarfi
Hallbera kom og var í viku og var mæting nokkuð góð, og síðan var Þórey Hekla með námskeið í tvær vikur og þar var einnig góð mæting.

Unglingavinnan fór fram með öðru sniði þetta sumarið þar sem ekki fékkst starfsmaður fyrr en í júlí, en krakkarnir voru að vinna ýmis verkefni í júní eins og aðstoða á sumarnámskeiðunum, í leikskólanum og áhaldahúsi.

2. Starfsáætlun Íþrótta- og tómstundafulltrúa og tengdra stofnann
Starfssemi í íþróttahúsi er komið í vetraropnun og verður opið eins og fyrri ár frá 9-21mán-fimm og 9-16 föst og síðan verður opið á laugardögum frá kl: 11-15 og á sunnudögum frá kl:14-18. Starfsmenn íþróttamiðstöðvar hafa einnig nefnt að hafa opið eins og laug og sunn eða jafnvel hafa bara opið á laugardögum frá 11-18 og lokað á sunnudögum. Nefndin leggur til að opnunartímar um helgar verði áfram 11-15 á laugardögum og 14-18 á sunnudögum.

Félagsmiðstöð fer að fara í gang þegar búið er að ráða inn starfsmenn en verður opin á milli kl: 13:30 – 16 mán-mið, 13:30 – 19 annan hvern fimmtudag og til kl 21 þegar er samstarf, 13:30 – 14:30 á föstudögum.

Erfiðlega hefur gengið að ráða þjálfara hjá Geislanum og rætt var að prófa að auglýsa eftir þjálfara á milli kl 16:00-17:00 vegna barnastarfs.

Rædd var sú hugmynd að frístund taki að sér íþróttaskóla eftir að skóla lýkur fyrir 1.-4. bekk. Einnig kom upp sú hugmynd að íþróttakennari hafi inni í töflu hjá sér íþróttaskóla eftir að kennslu lýkur.

3. Starfsáætlun nefndar
Ný starfsáætlun lögð fram og samþykkt.

4. Útivistarsvæði
Þar sem Lillaróló er fluttur upp að félagsheimili að Ærslabelgnum hvetur nefndin sveitarstjórn til að setja þar upp rólur eða einhver önnur leiktæki sem gaman væri að leika sér að, t.d eitthvað úr rekavið sem gaman er að labba eftir. Einnig hafa í huga að setja einhver leiktæki niður við Galdrasafn. Það er komin tími á endurnýjun leiktækja á skólalóðinni.

5. Nýtt samstarf milli Ozon og frístundar
Formaður kynnir fyrir nefndinni hvernig samstarfið fer fram og útskýrir breytingarnar eins og til dæmis opnunartímin eins og segir hér að framan. Einnig á að efla samstarf á milli félagsmiðstöðvanna eins og síðasta vetur.

6. Veturinn framundan
Formaður kynnir fyrir nefndinni drög að samningum við íþróttafélögin varðandi úthlutun tíma í íþróttahúsinu á komandi vetri. Nefndin leggur til að drög að samingum verði send til HSS og aðildarfélaga til skoðunar.
Nefndin leggur til að sveitarfélagið sé opið fyrir því að Geislinn fái tíma í íþróttahúsinu á milli kl 16:00-18:00 ef betur gengur að fá þjálfara á þeim tíma.

Nefndin vonast til að viðburðir eins og t.d. Hrekkjavakan, Sviðaveisla, Kótilettukvöld og ýmsir aðrir viðburðir sem hafa fest sig í sessi verðir áfram á dagskrá á komandi vetri.

7. Menningarviðburðir á liðnu sumri
Haldnir voru nokkrir viðburðir á liðnu sumri og má þar t.d nefna:

Björgunarsveitin Dagrenning stóð fyrir hátíðarhöldum á Sjómannadaginn og gekk það vel. Þar var dorgveiðikeppni, sveitin sýndi og leyfði gestum að koma með í bátsferð og kaffiveitingar í félagsheimilinu.

Leikhópurinn Lotta kom og sýndi Bangsímon í íþróttahúsinu.

17. júní var haldin hátíðlegur með andlitsmálningu, blöðrum og skrúðgöngu sem endaði á Galdratúninu, þar voru veitt Menningarverðlaun Strandabyggðar og þar voru hoppukastalar fyrir börn og hið árlega kaffihlaðborð á Sauðfjársetrinu.

Náttúrubarnahátið var haldin í júlí á Sauðfjársetrinu og tókst mjög vel til þrátt fyrir frekar slæma veðurspá, en fjöldi fólks mætti á staðinn enda margt um að vera eins og t.d. gönguferðir, veðurgaldur, pöbbkviss, skoðuð Teistuhreiðurs, kæjakferðir, Strandahestar mættu og teimt var undir börnum, Gunni og Felix mættu og skemmtu öllum, draugasögur svo fátt eitt sé nefnt.

Bæjarhátíðin Sameinumst á Ströndum var haldin í ágúst og tókst bara vel, þar var t.d: kjötsúpurölt, skíðaskotfimimót, golfmót, Strandahestar, skemmtun á Galdratúni, brekkusöngur og brenna, polla- og pæjumót og messa í Tröllatungu.

8. Íþróttaviðburðir í sumar
Eins og fram hefur komið hér að framan hafa ýmis íþróttaviðburðir verið haldnir í sumar eins og t.d. skíðaskotfimimót, golfmót og polla- og pæjumót. Einnig voru haldi:

Sumarmót HSS (Héraðsmót HSS) var haldið með breyttu sniði þar sem fullorðnir keppa annan daginn og krakkarnir hinn, mæting var með góðu móti og allir fengu viðurkenningu fyrir.

Trékyllisheiðin var haldin og var met þáttaka eða 99 skráðir keppendur, fjórar vegalengdir voru í boði. Nánari upplýsingar á heimasíðu Skíðafélagsins. Mótið fór vel fram og allt gekk vel.

Meistaramót Strandamanna í golfi var haldið í lok ágúst og mætti fjöldi manns.

Barnamót HSS var svo haldið á Hólmavíkurgrundum og var mæting góð.

9. Frispýgolf
Nefndin fagnar þeim áfanga að upp sé komin Frispýgolf völlur á Hólmavík og hvetur alla til að prófa völlinn, einnig vill nefndin þakka Hafdísi Gunnarsdóttir fyrir hennar frábæra framlag og þrautsegju.

10. Fjárhagsáætlun undirbúningur og áherslur nefndar
Malbika planið við íþróttamiðstöðina.
Endurbætur á tjaldsvæði, t.d. að merkja stæði á tjaldsvæði.
Almennt viðhald á íþróttahúsinu, leki á þaki sem fer í gegnum loftið í íþróttasal, loftræstikerfi, neyðarútgangar í íþróttasal, uppfæra búnað í Flosabóli, stækkun Flosabóls.
Sveitarfélagið sjái sér hag í að styrkja hátíð í sveitarfélaginu.
Hefja uppbyggingu á leiksvæðum í sveitarfélaginu.

11. Frístundastyrkur minna á að sækja um
Nefndin hvetur foreldra til að sækja um styrkinn en fresturinn rennur út 15. sept. Það þarf að setja áminningu á heimasíðuna.

12. Önnur mál
• Nefndin lagði til á fundi í júní að sveitarstjórn myndi taka starfslýsingu íþrótta- og tómstundafulltrúa til endurskoðunar og hafa þær Sigríður og Hlíf verið að vinna að því verkefni fyrir hönd hennar og er hún enn til skoðunar. Nefndin skoðar auglýsingu.
• Nefndin minnir á að búið var að samþykkja að börn væru á gjaldi barna til 18 ára aldurs í íþróttamiðstöðinni en ekki er enn búið að breyta því í gjaldskránni, því þarf að breyta eins fljótt og hægt er.
• 23. – 30. September er íþróttavika Evrópu. Nefndin leggur til að sveitarfélagið taki fullan þátt, til dæmis að hafa frítt í sund og húsið þessa viku og hvetja þannig íbúa Strandabyggðar til hreyfingar.

Fundi slitið kl: 19:45

Nefndarfundur nr 82

 Þriðjudaginn 4. júní 2024 var 82. nefndarfundur TÍM nefndar haldinn í Ráðhúsi Strandabyggðar á Hólmavík. Hófst fundurinn kl. 16:15.

Eftirtaldir nefndarmenn sátu fundinn: Sigríður Jónsdóttir formaður, Jóhanna Rósmundsdóttir, Þórdís Karlsdóttir, Jóhann Björn Arngrímsson og Magnea Dröfn Hlynsdóttir.  Áheyrnarfulltrúi Ungmennaráðs Strandabyggðar boðar forföll.

Jóhanna Rósmundsdóttir ritar fundargerð.

Fundardagskrá er svohljóðandi:

 
1. Menningarverðlaun
2. Sumarstörf
3. Unglingavinnan
4. Sumarnámskeið
5. Átaksverkefni næsta árs
a) Fara yfir veturinn sem var að líða
b) Úrbætur
6. Starfslýsing íþrótta- og tómstundafulltrúa
7. Sýn og stefna íþrótta- tómstunda- og menningarstarfs
8. Frispígolf
9. Önnur mál

 
1. Menningarverðlaun Strandabyggðar

Auglýst var eftir tilnefningum í maí og bárust 5 tilnefningar. Nefndin fór yfir þær og tók síðan ákvörðun um valið og verðlaun verða svo afhent 17. Júní.

 
2. Sumarstörf

Búið er að ráða starfsmenn í Íþróttamiðstöðina og einnig í Áhaldahúsið við slátt og annað sem það er verið að gera. Umsjónamann með unglingavinnuni getur ekki hafið störf fyrr en í júlí, en krakkarnir hafa verið ráðin í ýmis verkefni eins og á leikskólan og í stuðning á sumarnámskeiðunum, en geta síðan farið í unglingavinnuna í júlí. 

3. Sumarnámskeið

Búið er að skipuleggja námskeið í 3 vikur á vegum Geislans. Hallbera kemur og verður eina viku með leikjanámskeið fyrir og eftir hádegi og fótbolta tvo daga. Þórey Hekla verður með 2 vikur þar sem hún hefur aldursskipt fyrir og eftir hádegi, með allavega spennandi hluti.

4. Átaksverkefni næsta árs
a)  Fara yfir veturinn sem var að líða

Verkefni síðasta vetrar voru fjölmörg í tómstundum, íþróttum  og menningu hjá krökkunum okkar, og má þar nefna sem dæmi, jólabingó, ball í Borganesi, samvest undanúrslit á Reykhólum, Samfestinginn í Reykjavík, Ungmennaþing á Ísafirði og svo allar opnanir í OZON. Slatti af krökkum er að æfa fótbolta með Vestra á Ísafirði en æfingar hafa verið á Hólmavík í vetur. Geislinn hefur haldið úti fótboltaæfingum, íþróttagrunni, frjálsum. Skíðafélagið hefur haldið úti línuskautaæfingum, styrktaræfingum og skíðaæfingum. Félagið tók þátt í Bikarmótum á vegum SKÍ, bikarmótin eru 4 yfir veturinn og enda á skíðamóti Íslands. Iðkendur 13-16 ára urðu bikarmeistarar í samanlögðum stigafjölda. Einnig fóru 36 keppendur frá félaginu á Andrésar andar leikana og stóðu þau sig mjög vel.

Haldnar voru nokkrar hátíðir og viðburðir á Ströndum eins og til dæmis Hamingjudagar, Héraðsmót HSS, Trékyllisheiði, Strandagangan, kótilettukvöld kvenfélagsins, Halloween, Hörmungardagar, Húmorsþing, Galdrafár á Ströndum, viðburðir á Sauðfjársetrinu eins og til dæmis Náttúrubarnahátíð, spilavist, hrútaþukl, sviðaveisla, jólatónleikar, bingó og fleiri viðburðir.

Búið er að ræða við starfsmann Ozon og er hún til í að vera næsta vetur, og er komin með fullt af hugmyndum fyrir komandi vetur.

b) Úrbætur

Eitthvað var minna um samstarf milli félagsmiðstöðvanna eftir áramótin, en fyrirhugað er að efla samstarf á milli Reykhóla og Hólmavíkur á komandi vetri. Formaður nefndarinnar kynnti hugmyndir sem komnar eru fyrir félagsmiðstöðina fyrir næsta vetur, nefndin benti á mikilvægi þess að hafa opnun í félagsmiðstöðinni eins og var í vetur. 

5. Starfslýsing Íþrótt – og tómstundafulltrúa

Formaður nefndar upplýsir nefndarmenn um stöðu mála. Nefndin leggur til að sveitastjórnin taki starfslýsingu íþrótta- og tómstundafulltrúa til endurskoðunar og geri þetta aftur að tveimur störfum, forstöðumaður íþróttamiðstöðvar og tjaldsvæðis annars vegar og tómstundafulltrúi hins vegar. Starf tómstundafulltrúa og forstöðumanns íþróttamiðstöðvar eru gjörólík og starfslýsingin gríðarlega víðfem. Taka þarf tómstundastarf föstum tökum fyrir haustið.

6. Sýn og stefna tómstunda- íþrótta- og menningarnefndar

Nefndin vill stuðla að góðu tómstunda-, íþrótta- og menningarstarfi og hafa þessa punkta að leiðarljósi
· að vera sveitarstjórn til ráðgjafa í tómstunda-, íþrótta- og menningarmálum.
· að gera tillögur til sveitarstjórnar um markmið í tómstunda-, íþrótta- og menningarmálum sveitarfélagsins.
· að hafa eftirlit með því að samþykkt markmið sveitarstjórnar í þessum málaflokkum nái fram að ganga.
· að annast samskipti við félagasamtök sem undir starfssvið nefndarinnar heyra, í samráði við sveitarstjórn og/eða sveitarstjóra.
· að vinna að eflingu tómstunda-, íþrótta- og menningarstarfs í Strandabyggð og hafa jafnan fyrirliggjandi sem gleggstar upplýsingar um tómstunda-, íþrótta- og menningarmál í héraði og nauðsyn nýrra framkvæmda eða nýbreytni.

7. Fríspígolf

Nefndin óskar eftir að sveitastjórn samþykki staðsetningu vallarins fyrir ofan félagsheimilið og íþróttamiðstöð. Hafdís Gunnarsdóttir er komin með loforð fyrir öllum körfum og skiltum. Kastpallar verða heimasmíðaðir og frír flutningur með Strandafrakt. Von er á manni til að skoða svæðið og skipuleggja völl.

8. Önnur mál
8.1. Erindisbréf nefndar

Nefndin leggur til að sveitastjórn samþykki endurskoðað erindisbréf TÍM nefndar.

Fundi slitið

18:19

Mánudaginn 8 apríl 2024 var 81. nefndarfundur TÍM nefndar haldinn í Ráðhúsi Strandabyggðar á Hólmavík. Hófst fundurinn kl. 14:00.

Eftirtaldir nefndarmenn sátu fundinn: Sigríður Jónsdóttir formaður, Jóhanna Rósmundsdóttir, Kristín Anna Oddsdóttir og Heiðrún Helga Hjörleifsdóttir komu inn sem varamenn, því Þórdís Karlsdóttir, Jóhann Björn Arngrímsson og Magnea Dröfn Hlynsdóttir boða forföll. Áheyrnarfulltrúi Ungmennaráðs Strandabyggðar boðar forföll.
Jóhanna Rósmundsdóttir ritar fundargerð.

Fundardagskrá er svohljóðandi:

1. Menningarverðlaun Strandabyggðar, auglýsa eftir tilnefningum í apríl og ítreka í maí. Verðlaun verða svo afhent á 17. Júní. Reglur yfirfarnar og samþykktar af nefndinni. Sigríður og Magnea búa til auglýsingu og sjá um að auglýsa.

2. Opnunartími í íþróttamiðstöð
Ákveðið hefur verið í samráði við starfsmenn Íþróttamiðstöðvarinnar að hafa áfram með þá opnun sem var til reynslu í febrúar og mars. Opið verður á laugardögum frá klukkan 11 til 15. Nefndin fagnar þeirri ákvörðun. Nefndin vill hins vegar benda á að opnun um páskana hefði mátt vera meiri, samanborið við seinustu ár.

3. Starfsáætlun nefndar
Starfsáætlun ársins yfirfarin og samþykkt af nefndinni.

4. Erindisbréf ungmennaráðs
Nefndin leggur til við Sveitastjórn að sveitastjóra verði falið að fara yfir erindisbréfið.

5. Sumarstarf
• Mönnun í íþróttamiðstöð
• Vinnuskóli
• Sumarnámskeið
• Hátíðir
Formaður nefndar fer yfir málin varðandi mönnun í sumarvinnu en búið er að leggja umsóknarfrestinn þar sem ekki hefur náðst að manna allar stöður. Unnið er að skipulagningu sumarnámskeiða í samvinnu við Geislann. Sveitarfélagið er kvatt til að aðstoða við að finna sumarnámskeið.
Formaður nefndar fer yfir málin varðandi Hamingjudaga og þá vinnu sem verið er að vinna af ungmennaráði. Nefndin leggur til að formaður nefndarinnar og starfsmaður tómstundasviðs kalli til fundar með formanni ungmennaráðs og fari yfir dagskrá og annað utanumhald sem fylgir slíkri hátíð.
Rætt var um hátíðina Galdrafár sem verður haldin 19. -21. apríl, mjög spennandi hátíð sem vekur mikla athygli innan og utan landsteinanna.

6. Önnur mál
• Frisbígolf. Nefndin mun senda út íbúakönnun um staðsetningu og koma þessu í notkun með vorinu. Íbúakönnun er klár og mun verða send út á næstu dögum.
• Breyting á opnunartíma á Ozon. Ekki verða gerðar neinar breytingar núna í vor með opnunartíma í Ozon, ekki voru nægar forsendur og ekki lágu fyrir nægar upplýsingar með fyrirkomulagið sem búið var að semja um í haust.
• Kynna þarf betur fyrir foreldrum fyrirkomulag frístundastyrkja og með hvaða hætti hægt sé að sækja um.

Fundi slitið
15:27

2. Reglur um Menningarverðlaun Strandabyggðar. Nefndarformaður mun leggja reglur fyrir sveitarstjórn til samþykktar.

3. Fjárhagsáætlun.

a. Nefnd leggur til að sveitarstjórn taki fyrir sem fyrst á fundi að aldursmörk barna fyrir aðgangseyri að Íþróttamiðstöð verði hækkað úr 13 í 16 eða 18 ár.

b. Hvað er búið að gera og hvað er eftir í endurbótum Íþróttamiðstöðvar.

o Búið
1. Gufubað búið, nema hurðin.
2. Gler löngu komið í þakgluggann en enn er beðið eftir ísetningu.
3. Endurbótum sem lokið er í kjallara: 3 x sandsíur, 3 x klórstöðvar og 3 x hringrásadælur uppsettar. Ófyrirséðar endurbætur sem ekki var hægt að fresta.

o Öðru frestað svo útgjöld myndu ekki fara yfir fjárhagsramma endurbóta sem var 16 milljónir.
TÍM nefnd leggur til að endurbótum í Íþróttamiðstöð verði haldið áfram eins og kostur er velferð og lýðheilsu íbúa Strandabyggðar til handa.

4. Starfsáætlun nefndar yfirfarin og send nefndarmönnum.

5. Samantekt sumarstarf.

a. Ráðning sumarstarfsfólks
o Þarf að vera klárt fyrr.
o Stjórnun þarf að vera ljós. Mjög óheppilegt að sumarfrí íþrótta- og tómstundafulltrúa skyldi vera svona langt. Var uppsafnað sem þurfti að taka út.
o Samstarf við félagsþjónustu. Þar þarf að skerpa á verkaskiptingu. Félagsþjónustan ræður liðveislu og á að bera ábyrgð á henni en ekki starfsfólk vinnuskóla eða sumarnámskeiða.
Nefnd leggur til að unnið verði að skýrari verkaskiptingu.

b. Hamingjudagar. Þurfum að halda þá með einhverjum hætti. Ungmennaráð er til í að leggja þar sitt að mörkum.
Nefndin styður aðkomu Ungmennaráðs að skipulagningu Hamingjudaga og framkvæmd.
Ungmennaráð vill líka hafa brennu um áramótin.

6. Forvarnir og forvarnarstarf

o Veiga Gretars með fyrirlestur um transfólk. Forvarnir gegn fordómum. Vel mætt á fróðlegan fyrirlestur.
o Pálmar Ragnarsson með fyrilestur um jákvæð samskipti. Einnig vel mætt hér á fróðlegan fyrirlestur.
o Fokk me fokk you.

Nefnd vill sjá aukið samstarf milli félagasamtaka og aðila á svæðinu, jafnvel við nágrannasveitarfélög, við að fá fyrirlesara og aðra til okkar sem vinna að forvörnum.
o Nikótínpúðar
o Veip
o Fordómafræðslu
o Netsamskipti
o Tik tok
o Aldurstakmörk á öppum
o Andleg og líkamleg heilsa

7. Starfslýsing íþrótta og tómstundafulltrúa. Er í vinnslu.

8. Frisbígolf. Hvar stendur málið. Umhverfis- og skipulagsnefnd er með málið í vinnslu.
Hafdís Gunnarsdóttir er komin með styrk fyrir fimm körfum.
Nefndin hvetur til þess að þessum körfum verði fundinn staður og komið niður.

9. Önnur mál
o Varnargirðing fyrir neðan brekkuna í Kirkjuhvamminum?
Nefndin leggur til að farið verði í að setja upp bráðabirgða varnargirðingu sem fyrst fyrir neðan sleðabrekkuna til að forða slysum. Finna þarf svo varanlegri lausn.
o Menningarviðburðir?
Nefndin hvetur alla þá íbúa Strandabyggðar sem hugmyndir hafa að skemmtunum sér og öðrum til handa, endilega til að koma þeim í framkvæmd.

Fundi slitið 19.10